Garðplöntustöð á Reyðarfirði
Við ræktum sumarblóm, tré, runna og fjölæringa sem þola það sem Austurland býður upp á. Og það er nú ýmislegt.
Það sem við trúum á
Planta sem lítur vel út í pottinum er auðveld. Planta sem lifir af fyrsta veturinn í garðinum þínum: það er listin.
Við veljum tegundir og yrki sem ráða við vind, kalt vor og stutt sumur, og ræktum þau hér heima svo þau venjist veðrinu frá fyrsta degi. Ef planta á ekki séns í garðinum þínum segjum við þér það. Jafnvel þótt það kosti okkur söluna.
Fólkið
Ilmbjörkin er fjölskyldufyrirtæki, rekið af Torfkofanum ehf. Við stöndum tvö vaktina allt árið og fáum liðsauka yfir sumarið þegar allt fer á fullt.
Eigandi og skrúðgarðyrkjumeistari
Byrjaði í garðyrkju 15 ára og hefur ekki hætt síðan. Ræður hvað er ræktað, hvernig og hvenær, og svarar spurningunum þínum um garðinn. Er líka í námi í garðplönturæktun, því í þessu fagi verður maður aldrei fullnuma.
Meðeigandi, bókari og smiður
Heldur utan um bókhaldið og smíðar það sem stöðina vantar. Ef Kristín getur teiknað það getur hann smíðað það, og hún segir sjálf að stöðin væri ekki til án hans.
Frá fræi til garðs
Allt byrjar í nóvember, þegar fræin fyrir næsta sumar eru pöntuð. Flest þeirra komast fyrir á fingurgómi. Hér er leiðin þaðan og heim til þín.
Sáning hefst í byrjun febrúar, á meðan flestir eru enn að moka snjó.
Smáplönturnar vaxa í ræktunarrýminu undir ljósum, við 18–22 °C.
Þegar plönturnar hafa styrkst fá þær sinn eigin pott og meira pláss.
Plönturnar eru vandar við kaldara loft í gróðurhúsum og ylreitum, svo þær þoli austfirskt sumar.
Í garðinn, í kerin, á svalirnar og í beð bæjarins.
Staðurinn
Á stöðinni eru gróðurhús, plasthús, ylreitir og útisvæði þar sem plönturnar herðast undir berum himni. Sölusvæðið er í stærra gróðurhúsinu, svo þú getur skoðað úrvalið í skjóli, sama hvað veðrið segir.
Plönturnar alast upp í sama veðri og þær eiga að lifa í. Engin sólarlandaferð áður en þær koma í garðinn þinn.
Við segjum þér hvað hentar þínum garði, líka þegar svarið er nei. Ráðin kosta ekkert.
Við seljum frekar færri plöntur sem dafna en fleiri sem gefast upp í júlí.
Komdu við
Garðplöntustöðin er lokuð yfir veturinn og opnar aftur í vor. Vefverslunin er opin allt árið og við sendum plöntur um allt land með Póstinum.
768-9485·torfkofinn@gmail.com·Hjallaleira 1, 731 Reyðarfjörður
